Ad Vergilii studiosum Erasmus Vulphius

Non sic Vergilium, non sic legeremus Homerum

      Hoc quodcumque legis, si latuisset opus.

Si latuissset enim, nos optima quaeque laterent

      Quae nunc sunt media lucidiora die.

5

Magna sed utilitas magno quaesita labore

      Nec caret ingenio, nec caret artis ope.

Namque tot autores tantos evolvere libros

      Nonne solet longi temporis esse labor?

Est igitur quod agant grates tibi docte Georgi

10

      Qui sibi, qui studiis consuluisse volunt.

Sebastianus Solidus

Quod si nosse velis abscondita sensa Maronis

      Perlege quae parvus iste libellus habet.

Forsitan invenies quod te legisse iuvabit

      Et trivisse brevem rite legendo moram.

5

Sic precor Andinae curras per gramina rupis

      Felix, sic latices ex Helicone bibas.